Cosma presenta a segunda edición do seu Concurso Anual de Debuxo infantil, no que poden participar tódolos nenos e nenas de Narón que cursen 3º, 4º, 5º e 6º de Primaria.

Nesta ocasión, o certame nace co lema “Auga: ti si que pintas”. Esta iniciativa convértese nunha excelente oportunidade para difundir entre os mais mozos o coñecemento sobre a auga e as distintas fases que compoñen o ciclo integral (captación, potabilización, distribución, saneamento, depuración…), ademais de inculcarlles un mensaxe de concienciación e compromiso coa sostenibilidade dun recurso tan valioso para a vida.

A organización do Concurso remitirá aos Centros Educativos o material necesario para participar. Os debuxos deberán presentarse no papel oficial subministrado por cosma. O prazo de presentación termina o 5 de maio de 2009.

A carteira de galardóns inclúe 1 premio individual por ciclo, consistente nunha bicicleta de montaña; 4 premios para os nenos finalistas (dous por cada ciclo), consistentes cada un de eles nun kit de debuxo; e Premios Colectivos, que outorgaranse tras un sorteo entre as clases que acrediten unha maior participación no concurso, aos que se entregará un lote de material educativo. O nome dos gañadores difundirase a través da web de cosma (www.cosmanaron.es) e publicarase nas oficinas de Cosma  a partir do día 29 de maio.

Coa posta en marcha destas iniciativas, cosma  pon de manifesto a súa vontade e compromiso por difundir o sentido de responsabilidade, que o conxunto da sociedade debe desenvolver con respecto ao uso da auga, a través dos máis mozos.