Ciclo integral

Ciclo integral

A auga é un gran tesouro que podemos atopar na nosa contorna: no mar, nos ríos, nos pantanos… pero para que chegue ata as nosas casas, escolas, parques, industrias… e podérmola beber, lavarnos con ela, nadar na piscina, ver medrar as flores do xardín… cómpre que a auga siga un proceso coidadoso.

Orixe e procedencia da auga

Abastecemento

Pertence ao Sistema de Explotación n.º 14: Ferrol. Abastecéndose do Encoro das Forcadas, que dá servizo aos concellos de Ares, Fene, Ferrol, Mugardos, Narón, Neda e Valdoviño.

Captacións

O Concello de Narón compra o 100 % da auga en alta, ao non existir captacións dentro do concello.

A auga provén do Encoro das Forcadas, situado no Concello Valdoviño, aínda que a xestión deste depende do Concello de Ferrol, a través da súa empresa mixta EMAFESA, S.A.

Tratamento de auga potable

Xestor: COSMA SA (A15843246).

Propietario: Concello de Narón.

O único tratamento que se realiza é unha recloración no Depósito do Val, que abastece a zona rural.

O tratamento da auga realízase na ETAP de Catabois, xestionada polo Concello de Ferrol (a través da súa empresa mixta EMAFESA, S.A.), para a posterior compra do 100 % da auga subministrada por parte do Concello de Narón.

Depósitos

Xestor: COSMA SA (A15843246)

Propietario: Concello de Narón.

Ao mercar o 100 % da auga en alta, o único depósito da rede de abastecemento do Concello de Narón é o depósito do Val, con 1.200 m³ e superficial, que abastece ás redes das parroquias rurais do Val e San Mateo.

Redes de distribución

Xestor: COSMA SA (A15843246)

Propietario: Concello de Narón

A rede de abastecmento do Concello de Narón está composta por 247 km de tubaxes de diámetros entre 32 e 600 mm. Código SINAC 2704. Rede Narón.